خلونا نوظفهم صح

علي خالد - كربلاء

قبل ... جنت ما احب اتابع مباريات كرة القدم إلا ما ندر لكن هسه حبيت متابعتها بشكل كبير ، يمكن لأن صارت هي الشيء الوحيد الي يجمع العراقيين على الفرحه والابتسامة 
قبل .. جنت احب اسولف بقضايا العقائد والدين وعندي شراهة مو طبيعية بالكلام حول هالمواضيع لكن بهالوقت تركت الحديث بالدين والعقائد لأنها صارت اكثر شيء يفرق العراقيين ويشتتهم وللاسف صارت اكثر شيء يخليهم واحد يبرر قتل الآخر 

كلامي مو تفضيل لكرة القدم ولا استخفاف بالدين 
كلامي حول الطريقة الي تخلينا نوظف كل شيء لصالح بلدنا 
فلا حبي لكرة القدم يعني اني صرت رياضي بالرغم من اشتهاري بالـ(كرش) الجميل ^_^ 
ولا ابتعادي عن الكلام في الدين يعني اني صرت ملحد وكافر فبحمد الله لازلت ملتزم بديني وتعاليمه 
في تصوري أن الدين والاعتقاد الخاص بي هو أمر بيني وبين ربي 
وكرة القدم بيني وبين ناسي وشعبي وحبايبي
شيعتهم وسنتهم ومسيحييهم وصابئتهم واكرادهم وعربهم وتركمانهم 
وأكيد احترامهم جزء من ديني